mammootty-s-latest-pic-viral-here-is-the-reason
Featured Malayalam

നിങ്ങളിതെന്ത് ഭാവിച്ചാ മമ്മുക്ക? ബൈക്കിലെത്തിയ മെഗാസ്റ്റാറിനെ കണ്ട് അമ്പരപ്പ് വിട്ടുമാറാതെ ആരാധകര്‍!

ഫിറ്റനസ് നില നിര്‍ത്തുന്ന കാര്യത്തില്‍ അതീവ ശ്രദ്ധ നല്‍കുന്ന താരമാണ് മമ്മൂട്ടി. ഭക്ഷണ കാര്യത്തിലും വ്യായാമത്തിന്റെ കാര്യത്തിലും അദ്ദേഹം പുലര്‍ത്തുന്ന കൃത്യനിഷ്ഠ യുവതാരങ്ങളെപ്പോലും അത്ഭുതപ്പെടുത്തിയിട്ടുണ്ട്. പല താരങ്ങളും അദ്ദേഹത്തിന്റെ ഫിറ്റ്‌നസിനെക്കുറിച്ച് വാചാലരാവാറുണ്ട്. 66 കാരനായിട്ടും ഇന്നു ചുള്ളനെ പോലിരിക്കുന്നതിന് പിന്നിലെ പ്രധാന കാരണവും ഇത് തന്നെയാണ്. ലുക്കിന്റെ കാര്യത്തില്‍ പ്രത്യേക ശ്രദ്ധ നല്‍കുന്ന താരമാണ് മമ്മൂട്ടി.

 വൈറലാവുന്ന ചിത്രം

കലൂര്‍ ടൗണിലൂടെ ബിഎംഡബ്ലു ബൈക്കില്‍ ഹെല്‍മറ്റ് ധാരിയായ ഒരു ചുള്ളന്‍ കടന്നുപോയപ്പോള്‍ ഇതാരപ്പാ എന്ന തരത്തിലായിരുന്നു കണ്ടുനിന്നവരുടെ പ്രതികരണം. ഒറ്റനോട്ടത്തില്‍ അതാരാണെന്ന് മനസ്സിലാക്കാനും പ്രയാസമായിരുന്നുവെന്ന് കണ്ട് നിന്നവര്‍ പറയുന്നു. മലയാളത്തിന്റെ സ്വന്തം മെഗാസ്റ്റാറായിരുന്നു അത്. ബൈക്ക് യാത്രയ്ക്കിടയിലെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.

വൈറലാവുന്ന ചിത്രം

ബിഎംഡബ്ലു ബൈക്കില്‍ ഹെല്‍മറ്റുമായി പോവുന്ന മമ്മൂട്ടിയുടെ ചിത്രമിതാ. തിങ്കളാഴ്ച വൈകിട്ട് മുതല്‍ സോഷ്യല്‍ മീഡിയയിലൂടെ വൈറലായിരിക്കൊണ്ടിരിക്കുകയാണ് ഈ ചിത്രം. നിരവധി പേര്‍ ഈ ചിത്രം ഇതിനോടകം തന്നെ ഷെയര്‍ ചെയ്തിട്ടുണ്ട്.

മമ്മൂട്ടിയുടെ ബൈക്ക് യാത്ര

വാഹനങ്ങളോട് പ്രത്യേക താല്‍പര്യമുള്ളയാളാണ് മമ്മൂട്ടി. ലേറ്റസ്റ്റ് മോഡല്‍ വാഹനങ്ങള്‍ സ്വന്തമാക്കാന്‍ അദ്ദേഹം കാണിക്കുന്ന താല്‍പര്യത്തെക്കുറിച്ച് ദുല്‍ഖറടക്കം നിരവധി പേരും വാചാലരായിരുന്നു. വാഹനപ്രേമത്തിന്റെ കാര്യത്തില്‍ ഇരുവര്‍ക്കും ഒരേ മനസ്സാണ്. ചെറുപ്പം മുതല്‍ക്ക് തന്നെ താന്‍ വാഹനപ്രേമിയായതിന് പിന്നില്‍ വാപ്പച്ചിയാണെന്ന് ദുല്‍ഖറും വ്യക്തമാക്കിയിരുന്നു.

പ്രായം തളര്‍ത്താത്ത സൗന്ദര്യം

നിത്യയൗവ്വനമാണ് മമ്മൂട്ടിയുടേത് എന്ന് തോന്നിപ്പിക്കുന്ന തരത്തിലാണ് അദ്ദേഹത്തിന്റെ രൂപഭാവം. 66 വയസ്സ് പിന്നിട്ടിട്ടും ഇന്നും യുവാവിനെപ്പോലിരിക്കുന്നതിന് പിന്നില്‍ വ്യായമവും ചിട്ടയായ ജീവിത രീതിയുമാണ്. വ്യായാമം ചെയ്യാന്‍ അദ്ദേഹമാണ് ഉപദേശിച്ചത് എന്ന് നിരവധി യുവതാരങ്ങളും വ്യക്തമാക്കിയിരുന്നു. സിനിമയ്ക്ക് മേക്കപ്പ് ഉപയോഗിക്കുമെങ്കിലും എന്നും മേക്കപ്പിട്ടല്ലല്ലോ അദ്ദേഹം നടക്കുന്നതെന്നാണ് ആരാധകരും പറയുന്നത്.

വാഹനവും ഫോട്ടോഗ്രാഫിയും

വാഹനവും ഫോട്ടോഗ്രാഫിയും

മമ്മൂട്ടിക്ക് ഏറെയിഷ്ടമുള്ള രണ്ട് കാര്യങ്ങളെക്കുറിച്ച് ചോദിച്ചാല്‍ അദ്ദേഹം ആദ്യം പറയുന്ന രണ്ട് കാര്യങ്ങളിതാണ്. വിപണിയിലിറങ്ങുന്ന പുതുപുത്തന്‍ വാഹനങ്ങളുടെ ലേറ്റസ്റ്റ് വിവരങ്ങളെക്കുറിച്ച് അദ്ദേഹം കൃത്യമായി അപ്‌ഡേറ്റ് ചെയ്യാറുണ്ട്. വാഹനം വാങ്ങിക്കുന്നതിനായി അദ്ദേഹത്തിന്റെ സേവനം ഉപയോഗപ്പെടുത്താമെന്ന് സിനിമാപ്രവര്‍ത്തകര്‍ക്കും അറിയാം.

ബൈക്കിലെ സാഹസികതയോട് താല്‍പര്യമില്ല

ലേറ്റസ്റ്റ് മോഡല്‍ ബൈക്ക് സ്വന്തമാക്കി അതില്‍ സാഹസിക പ്രകടനം നടത്തുന്നതിനോടൊന്നും അന്നും ഇന്നും അദ്ദേഹത്തിന് താല്‍പര്യമില്ല. ഗതാഗത നിയമങ്ങള്‍ പാലിച്ച് വാഹനമോടിക്കുന്നതിനോടാണ് അദ്ദേഹത്തിന് താല്‍പര്യം. മകന്‍ ബൈക്കിനാവശ്യപ്പെട്ടപ്പോള്‍ അദ്ദേഹം അതംഗീകരിച്ചിരുന്നില്ല.

ദുല്‍ഖര്‍ ബൈക്കിനാവശ്യപ്പെട്ടപ്പോള്‍

ബൈക്ക് വാങ്ങിത്തരില്ല, കാര്‍ വാങ്ങിത്തരാം. ബൈക്ക് യാത്രയിലെ സുരക്ഷയെക്കുറിച്ച് അദ്ദേഹത്തിന് ആശങ്കയായിരുന്നു. ചെറുപ്പത്തില്‍ വാപ്പച്ചി തനിക്ക് ബൈക്ക് വാങ്ങിത്തരാതിരുന്നതിന് പിന്നിലെ കാരണത്തെക്കുറിച്ച് നേരത്തെ ദുല്‍ഖര്‍ തുറന്നുപറഞ്ഞിരുന്നു. ജോമോന്റെ സുവിശേഷങ്ങള്‍ എന്ന ചിത്രം ഇറങ്ങിയപ്പോഴായിരുന്നു ദുല്‍ഖറിനോട് ഇത്തരത്തിലൊരു ചോദ്യം ചോദിച്ച് ആരാധകര്‍ രംഗത്തെത്തിയത്.

 

Leave a Reply