കൈയ്യടി നേടിയത് മമ്മൂട്ടിയല്ല പിന്നെയോ? സന്തോഷ് പണ്ഡിറ്റാണ് താരം

ദ ഗ്രേറ്റ് ഫാദറിന് ശേഷം മമ്മൂട്ടി ആരാധകര്‍ കാത്തിരിക്കുന്ന മാസ് എന്റര്‍ടെയിനറാണ് മാസ്റ്റര്‍പീസ്. ആക്ഷന് പ്രാധാന്യം നല്‍കി ഒരുക്കുന്ന ക്യാമ്പസ് ചിത്രത്തില്‍ കോളേജ് പ്രഫസറായിട്ടാണ് മമ്മൂട്ടി എത്തുന്നത്. പ്രേക്ഷകരെ ആകാംഷാഭരിതരാക്കുന്ന ടീസറും ട്രെയിലറും പുറത്തിറങ്ങി കഴിഞ്ഞു.

കഴിഞ്ഞ ദിവസമായിരുന്നു ചിത്രത്തിന്റെ ഓഡിയോ ലോഞ്ചിംഗ് നടന്നത്. ചലച്ചിത്ര രംഗത്തെ പ്രമുഖര്‍ അണിനിരന്ന ചടങ്ങില്‍ കൈയ്യടി നേടിയത് സന്തോഷ് പണ്ഡിറ്റായിരുന്നു. സന്തോഷ് പണ്ഡിറ്റ് ആദ്യമായി മുഴുനീള വേഷം ചെയ്യുന്ന ഒരു മുഖ്യധാര ചിത്രംകൂടെയാണ് മാസ്റ്റര്‍പീസ്.

ക്യാമറ ഒഴികെ ഒരു സിനിമയിലെ എല്ലാ പിന്നണി പ്രവര്‍ത്തനങ്ങളും അതിനൊപ്പം നായകനായി ക്യാമറക്ക് മുന്നിലും എത്തി ബജറ്റ് സിനിമകളുമായി മുഖ്യധാരാ സിനിമകളെ വെല്ലുവിളിച്ച് എത്തിയ താരമാണ് സന്തോഷ് പണ്ഡിറ്റ്. മറ്റൊരു സംവിധായകന് കീഴില്‍ രണ്ടാമതും സന്തോഷ് പണ്ഡിറ്റ് വേഷമിട്ട ചിത്രമാണ് മാസ്റ്റര്‍പീസ്. ഒരു സിനിമാക്കാരന്‍ എന്ന ചിത്രത്തില്‍ ചെറിയ വേഷത്തിലെത്തില്‍ സന്തോഷ് അഭിനയിച്ചിരുന്നു.